नांदेड १ जुन प्रतिनिधी
नांदेड वाघाळा शहर महानगरपालिकेमध्ये राजमाता पुण्यश्लोक अहिल्यादेवी होळकर यांची जयंती मोठ्या उत्साहात साजरी करण्यात आली. महानगरपालिकेच्या मुख्य प्रशासकीय इमारतीमधील स्थायी सभागृह कक्ष येथे आज, दि. ३१ मे २०२६ रोजी सकाळी ११:०० वाजता एका विशेष कार्यक्रमाचे आयोजन करण्यात आले होते.
या प्रसंगी महानगरपालिकेचे उपायुक्त स. अजितपालसिंघ संधु यांच्या हस्ते राजमाता अहिल्यादेवी होळकर यांच्या प्रतिमेस पुष्पहार अर्पण करून त्यांच्या स्मृतीस विनम्र अभिवादन करण्यात आले.

प्रजाहितदक्ष ‘लोकमाता’

राजमाता पुण्यश्लोक अहिल्यादेवी होळकर या मराठा साम्राज्यातील माळवा प्रांताच्या अत्यंत कर्तबगार, दानशूर आणि न्यायप्रिय राणी होत्या. त्यांनी आपल्या कार्यकाळात उत्कृष्ट प्रशासन, प्रजाहितदक्षता आणि समाजकल्याणकारी कामांचा आदर्श घालून दिला. त्यांच्या याच लोककल्याणकारी कार्यामुळे त्यांना ‘लोकमाता’ म्हणून ओळखले जाते, अशा भावना यावेळी व्यक्त करण्यात आल्या.

उपस्थित मान्यवर
या अभिवादन सोहळ्याप्रसंगी मनपाचे क्षेत्रिय अधिकारी गौतम कवडे, महापौर यांचे स्विय सहाय्यक साईराज मुदिराज, वरिष्ठ लिपिक शुभांगी चौधरी, सुजात अली यांच्यासह महानगरपालिकेचे विविध विभागांतील कर्मचारी आणि नागरिक मोठ्या संख्येने उपस्थित होते.

प्रतिनिधी, माधव वाघमारे