नांदेड १३ जुलै (प्रतिनिधी, माधव वाघमारे)
भोकर तालुक्यामध्ये सध्या मतदार याद्यांचे पुनरावलोकन करण्याची प्रक्रिया अत्यंत वेगाने सुरू असून, तालुक्यात आतापर्यंत ६०.६२ टक्के काम पूर्ण झाले आहे. दरम्यान, तालुक्यातील मौजे पिंपळगाव येथे या मोहिमेचे १०० टक्के काम पूर्ण झाले असून, उल्लेखनीय कामगिरी केल्याबद्दल येथील मतदान केंद्रस्तरीय अधिकारी (BLO) यांचा जाहीर सत्कार करण्यात आला आहे.
पिंपळगाव येथे उद्दिष्ट्य पूर्ण; अधिकाऱ्यांचा सत्कार
मौजे पिंपळगाव येथील मतदान केंद्रस्तरीय अधिकारी वडमिले एल. के. यांच्याकडे असलेल्या एकूण १३२७ मतदारांचे काम पूर्ण झाले आहे. ही मोहीम अत्यंत जलद गतीने आणि अचूकपणे राबवून काम वेळेत पूर्ण केल्याबद्दल उपविभागीय अधिकारी तथा मतदार नोंदणी अधिकारी प्रवीण मेंगशेट्टी यांच्या हस्ते वडमिले यांचा विशेष सत्कार करण्यात आला.
भोकर तालुक्यातील आकडेवारी आणि सद्यस्थिती
भोकर तालुक्यातील एकूण १ लाख १४ हजार ८५६ मतदारांपैकी गणना फॉर्म ५२,२६९ वितरित करण्यात आले आहेत. यापैकी ३७,४६२ फॉर्म डिजिटल करण्यात आले असून, तालुक्यात एकूण साधारण ३२.६२ टक्के काम पूर्ण झाले आहे. उर्वरित कामही वेगात पूर्ण करण्यासाठी प्रशासकीय यंत्रणा कार्यरत आहे.
अधिकारी व कर्मचाऱ्यांची उपस्थिती
या सत्कार सोहळ्याप्रसंगी महसूल आणि पालिका प्रशासनातील प्रमुख अधिकारी उपस्थित होते. यामध्ये
- विनोद गुंडमवार (तहसीलदार तथा सहाय्यक मतदान नोंदणी अधिकारी)
- ऋषभ पवार (मुख्याधिकारी, भोकर नगरपरिषद)
- सावते रामेश्वर (नायब तहसीलदार)
- जी. के. शेळके (निवडणूक विभागातील सहाय्यक महसूल अधिकारी)
- संजय सूर्यवंशी (संगणक चालक)
यांच्यासह सर्व पर्यवेक्षक, ग्राम महसूल अधिकारी, संगणक चालक आणि निवडणूक विभागातील इतर कर्मचारी मोठ्या संख्येने उपस्थित होते. तालुक्यातील उर्वरित गावांमध्येही ही मोहीम अशाच गतीने पूर्ण करण्याचे आवाहन प्रशासनातर्फे करण्यात आले आहे.
