नांदेड ४ सप्टेंबर/ प्रतिनिधी माधव वाघमारे
नांदेड जिल्ह्यातील अवैध धंद्यांचे समूळ उच्चाटन करण्यासाठी पोलीस अधीक्षक मा. डॉ. नीलाभ रोहन यांच्या संकल्पनेतून विशेष मोहीम हाती घेण्यात आली आहे. या मोहिमेअंतर्गत ३ सप्टेंबर २०२६ रोजी नांदेड ग्रामीण पोलीस ठाण्याच्या पथकाने एकाच दिवशी धडक कारवाया करत तीन वेगवेगळ्या ठिकाणी छापे मारले. ‘कल्याण मटका’ व ‘तिर्रट’ नावाचा जुगार खेळणाऱ्या आणि चालवणाऱ्या एकूण २१ आरोपींवर महाराष्ट्र जुगार प्रतिबंधक कायद्यान्वये तीन स्वतंत्र गुन्हे दाखल करण्यात आले आहेत. या कारवाईत रोख रक्कम, ७ मोटरसायकली, मोबाईल फोन व जुगाराचे साहित्य असा एकूण ६,६६,१५० रुपयांचा मुद्देमाल जप्त करण्यात आला आहे.
कारवाईचा सविस्तर तपशील:
- पहिली कारवाई (खुदबी नगर चौरस्ता, नांदेड): गुप्त माहितीच्या आधारे गुन्हे शोध पथकाने हबिबिया कॉलनीसमोर छापा मारून कल्याण मटका जुगार चालवणाऱ्या ११ जणांना ताब्यात घेतले. यात नासिरखान समशेरखान, शेख अनसार शेख अमीन, शेख शकील शेख इस्माईल, वाजिद खान रमजान खान, महम्मद आसिफ अकबर, वाजीद खान अमीरखान, माजीदखान नामीदखान, शेख गौस शेख हसन, उस्मान अहमद अली, महम्मद अफरोज महम्मद सुभान आणि शेख जमीर उर्फ अब्बू यांचा समावेश आहे. यांच्याकडून ४२,२०० रुपयांचा मुद्देमाल जप्त करण्यात आला. (गुन्हा रजि. क्र. १११३/२०२६).
- दुसरी कारवाई (गोपाळचवडी, कॅनॉल रोड): पेट्रोलिंग दरम्यान कॅनॉल रोड लगतच्या मोकळ्या जागेत ‘तिर्रट’ नावाचा पत्त्यांचा जुगार खेळणाऱ्या ४ आरोपींना (शांतुअप्पा वैजनाथअप्पा मठपती, मोहन सिताराम राठोड, आनंदा नागोराव हैबतकर, अशोक अंबादास बनसोडे) ताब्यात घेण्यात आले. त्यांच्याकडून रोख रक्कम, ४ मोबाईल आणि ३ मोटरसायकली असा एकूण २,२५,३५० रुपयांचा मुद्देमाल जप्त केला. (गुन्हा रजि. क्र. १११४/२०२६).
- तिसरी कारवाई (गोपाळचवडी, पाण्याच्या टाकीजवळ): पाण्याच्या टाकीच्या बाजूला मोकळ्या जागेत धाड टाकून पैसे लावून ‘तिर्रट’ खेळणाऱ्या ६ आरोपींना (कृष्णा दत्ता हैबतकर, गोरकनाथ चांदु गायकवाड, नामदेव तानाजी कोनापुरे, योगेश मोहनराव दुरनाळे, जालिंदर मारोजी नॅपनवाड, सुभाष गोविंद धसाडे) ताब्यात घेतले. या ठिकाणी ५ अँड्रॉइड मोबाईल व ४ मोटरसायकलींसह एकूण ३,९८,३०० रुपयांचा मुद्देमाल जप्त केला. (गुन्हा रजि. क्र. १११५/२०२६).
ही धडक कारवाई पोलीस अधीक्षक मा. डॉ. नीलाभ रोहन, अपर पोलीस अधीक्षक मा. सुरज गुरव यांच्या मार्गदर्शनाखाली पोलीस निरीक्षक ओमकांत चिंचोलकर, पोलीस उपनिरीक्षक बाबुराव चव्हाण आणि पोलीस अंमलदार माने, मुंडे, जमीर अहमाद, शंकर माळगे, शिरमलवार, जाधव, कारामुंगे, आसिफ व कांबळे यांनी यशस्वीरीत्या पार पाडली. अवैध धंद्यांविरोधात ही मोहीम अशीच सुरु राहणार असून नागरिकांनी बेकायदेशीर हालचालींची माहिती पोलिसांना देऊन सहकार्य करावे, असे आवाहन जिल्हा पोलीस दलाच्या वतीने करण्यात आले आहे.
