नांदेड १८ प्रतिनिधी
जिल्ह्यात अवैध रेती उपसा आणि वाहतूक करणाऱ्या वाळू माफियांच्या मुसक्या आवळण्यासाठी नांदेड पोलिसांनी ‘ऑपरेशन फ्लॅश आऊट’ अंतर्गत धडक मोहीम सुरू केली आहे. या अंतर्गत नांदेड ग्रामीण पोलीस ठाण्याच्या पथकाने गोदावरी नदीपात्रात सुरू असलेल्या अवैध रेती उपशावर छापा टाकून तब्बल १,००,२५,००० रुपये (एक कोटी पंचवीस हजार रुपये) किमतीचा मुद्देमाल जप्त केला आहे. या कारवाईत पाच आरोपींविरुद्ध गुन्हा दाखल करण्यात आला आहे.
गोपनीय माहितीच्या आधारे छापा
पोलीस अधीक्षक अभिनश कुमार यांनी जिल्ह्यातील सर्व पोलीस ठाण्यांना अवैध धंद्यांवर कडक कारवाई करण्याचे आदेश दिले होते. त्यानुसार, नांदेड ग्रामीण पोलीस ठाण्याचे पोलीस निरीक्षक ओमकांत चिंचोलकर यांच्या मार्गदर्शनाखाली गुन्हे शोध पथक पेट्रोलिंग करत होते.
१७ मे २०२६ रोजी दुपारी १२:०० वाजेच्या सुमारास, मौजे इंजेगाव आणि बोंढार शिवारातील गोदावरी नदीपात्रात काही इसम बेकायदेशीरपणे रेतीचा उपसा करून तराफ्याच्या साहाय्याने काठावर आणत असल्याची खात्रीशीर गोपनीय माहिती पोलिसांना मिळाली. त्यानुसार पथकाने तात्काळ घटनास्थळी धाव घेऊन छापा टाकला.
बोट आणि क्रेनसह मुद्देमाल जप्त
पोलीस आल्याची चाहूल लागताच आरोपींनी क्रेनच्या साहाय्याने रेती उपसा करणारी बोट आयशर वाहनात टाकून पळून जाण्याचा प्रयत्न केला. मात्र, पोलिसांनी पाठलाग करून आरोपींना रंगेहात पकडले. पंचसमक्ष करण्यात आलेल्या या कारवाईत खालील मुद्देमाल जप्त करण्यात आला:
- एक बोट आणि ६ इंजिन
- २० तराफे
- ५ ब्रास रेती
- एक आयशर वाहन (पासिंग क्र. MH 26 BE 7393)
- एक ACE कंपनीची क्रेन (पासिंग क्र. MH 26 BQ 2693)
- एकूण किंमत: १,००,२५,०००/- रुपये
पाच आरोपींवर गुन्हे दाखल
या प्रकरणी नांदेड ग्रामीण पोलीस ठाण्यात पोकॉ/१५०० गवेंद्र गंगाधर सिरमलवार यांच्या फिर्यादीवरून गुन्हा रजि. नं. ५७७/२०२६ नुसार भारतीय न्याय संहिता (BNS) कलम ३०३(२), ३(५) सह महाराष्ट्र जमीन महसूल संहिता कलम ४८(७)(८), पर्यावरण संरक्षण अधिनियम कलम ९, १५ आणि सार्वजनिक संपत्ती नुकसान प्रतिबंधक अधिनियम कलम ३, ७ अन्वये गुन्हा दाखल करण्यात आला आहे.
कारवाई झालेल्या आरोपींची नावे:
१) माधव मोतीराम जाधव (वय २५, रा. हिंडोळा, ता. लोहा)
२) इंद्रजित सिंग केसर सिंग सोखी (वय ४३, रा. नंदीग्राम सोसायटी, नांदेड)
३) शेख अजीम शेख सलीम (वय २८, रा. खुदबे नगर, नांदेड)
४) पिंटू पाटील तिडके (रा. बोंढार, ता. जि. नांदेड)
५) एक अज्ञात चार इसम
या पोलीस पथकाने केली कामगिरी
ही धडक कारवाई पोलीस अधीक्षक अबिनाश कुमार, अप्पर पोलीस अधीक्षक सुरज गुरव, आणि उपविभागीय पोलीस अधिकारी (इतवारा) प्रशांत शिंदे यांच्या मार्गदर्शनाखाली नांदेड ग्रामीणचे पोलीस निरीक्षक ओमकांत चिंचोलकर, पोलीस उपनिरीक्षक ज्ञानेश्वर मटवाड, अंमलदार आसिफ अली, विष्णू कल्याणकर, संतोष पवार आणि गवेंद्र सिरमलवार यांच्या पथकाने केली.
पोलीस पथकाच्या या धडक कामगिरीबद्दल पोलीस अधीक्षक अभिनश कुमार यांनी त्यांचे विशेष कौतुक केले आहे.
– प्रतिनिधी माधव वाघमारे
