विशेष बातमी प्रतिनिधी : माधव वाघमारे
नांदेड, दि. ३ ऑगस्ट
महाराष्ट्र शासनाच्या जनकल्याणकारी उपक्रमांतर्गत ‘मुख्यमंत्री सहाय्यता निधी व धर्मादाय रुग्णालय मदत कक्ष’, जिल्हाधिकारी कार्यालय, नांदेड यांच्या संयुक्त विद्यमाने जिल्हाभरात आयोजित करण्यात आलेल्या मुख्यमंत्री जनआरोग्य शिबिरांचा यशस्वी समारोप झाला आहे. १ ते ३१ जुलै २०२६ या महिनाभराच्या कालावधीत जिल्ह्यातील ग्रामीण व शहरी भागांत मिळून एकूण १२२ आरोग्य शिबिरांचे यशस्वी आयोजन करण्यात आले होते.
या महाशिबिरांच्या माध्यमातून १३ हजार ६१९ नागरिकांची सखोल आरोग्य तपासणी करण्यात आली, तर ३ हजार १२१ नागरिकांना आयुष्मान भारत व आभा कार्डची नोंदणी करून देऊन प्रत्यक्ष लाभ देण्यात आला.
वरिष्ठ अधिकाऱ्यांचे मार्गदर्शन व नियोजन
मुख्यमंत्री देवेंद्र फडणवीस यांच्या संकल्पनेतून आणि मुख्यमंत्री सहाय्यता निधी व धर्मादाय रुग्णालय मदत कक्ष (मंत्रालय, मुंबई) चे कक्षप्रमुख तथा विशेष कार्य अधिकारी रामेश्वर नाईक यांच्या विशेष मार्गदर्शनाखाली हा उपक्रम राज्यभरात राबवला जात आहे.
नांदेड जिल्ह्यात हा उपक्रम यशस्वी करण्यासाठी खालील वरिष्ठ अधिकाऱ्यांचे मोलाचे मार्गदर्शन लाभले:
- जिल्हा प्रशासन: जिल्हाधिकारी राहुल कर्डिले, जिल्हा परिषदेचे मुख्य कार्यकारी अधिकारी महेश पाटील, नांदेड-वाघाळा शहर महानगरपालिकेचे आयुक्त महेशकुमार डोईफोडे आणि निवासी उपजिल्हाधिकारी किरण अंबेकर.
- आरोग्य विभाग व वैद्यकीय यंत्रणा: डॉ. शंकरराव चव्हाण शासकीय वैद्यकीय महाविद्यालयाचे अधिष्ठाता डॉ. सुधीर देशमुख, वैद्यकीय अधीक्षक डॉ. विजयकुमार कापसे, जिल्हा शल्यचिकित्सक डॉ. संजय परके, जिल्हा आरोग्य अधिकारी डॉ. संतोष सूर्यवंशी आणि मनपा वैद्यकीय आरोग्य अधिकारी डॉ. हनमंत रीठ्ठे.
तपासणी व सेवांचा तपशील
महिनाभरात पार पडलेल्या १२२ शिबिरांमध्ये सर्व वयोगटातील नागरिकांनी आरोग्य तपासणीचा लाभ घेतला. वर्गवारी लाभार्थी संख्या पुरुष ४,२१० महिला ६,७२२ बालके (मुले) १,०६९ बालके (मुली) १,६१८ एकूण लाभार्थी१३,६१९आयुष्मान व आभा कार्ड नोंदणी३,१२१
तपासणी व उपचार सुविधा:
शिबिरांमध्ये नागरिकांची रक्तदाब (BP), मधुमेह (Diabetes), हिमोग्लोबिन (Hb) आणि इतर आवश्यक निदान चाचण्या मोफत करण्यात आल्या. ज्या गरजू रुग्णांना गंभीर आजारांचे निदान झाले, त्यांना पुढील उपचारासाठी योग्य शासकीय व संलग्नित रुग्णालयांमध्ये संदर्भित (Refer) करण्यात आले. यासोबतच महात्मा ज्योतिराव फुले जनआरोग्य योजना व इतर शासकीय योजनांची सविस्तर माहिती देण्यात आली.प्रभावी समन्वय आणि विविध यंत्रणांचे योगदान
जिल्हाधिकारी कार्यालयातील आरोग्य पथकाचे डॉ. चंद्रकांत मुंडे (वैद्यकीय अधिकारी), गजानन वानखेडे (समाजसेवा अधीक्षक) आणि संभाजी लोंढे (समन्वयक) यांनी जिल्ह्यातील शासकीय, खासगी रुग्णालये व आरोग्य यंत्रणांशी सातत्याने समन्वय ठेवून शिबिरांचे नियोजन व अंमलबजावणी सुरळीत पार पाडली.
या उपक्रमात शासकीय वैद्यकीय महाविद्यालय, जिल्हा सामान्य रुग्णालय, उपजिल्हा व ग्रामीण रुग्णालये, प्राथमिक आरोग्य केंद्रे, मनपा आरोग्य विभाग, आशा स्वयंसेविका आणि महात्मा जोतिराव फुले योजनेशी संलग्नित खासगी रुग्णालयांच्या कर्मचाऱ्यांनी मोलाचे योगदान दिले.नागरिकांचा उत्स्फूर्त प्रतिसाद
विशेषतः ग्रामीण व दुर्गम भागातील नागरिकांना त्यांच्या घराजवळच मोफत तपासणी, वैद्यकीय सल्ला व औषधोपचार मिळाल्याने नागरिकांनी या शिबिरांना उत्स्फूर्त प्रतिसाद दिला.
भविष्यातही जिल्हा प्रशासन, आरोग्य विभाग आणि मुख्यमंत्री सहाय्यता निधी कक्षाच्या माध्यमातून जिल्ह्यातील नागरिकांना गुणवत्तापूर्ण, सुलभ आणि वेळेवर आरोग्य सेवा उपलब्ध करून देण्यासाठी अशाच प्रकारच्या लोकाभिमुख आरोग्य उपक्रमांचे सातत्याने आयोजन केले जाईल, असा विश्वास प्रशासनाच्या वतीने व्यक्त करण्यात आला आहे.
