नांदेड | दि. १ फेब्रुवारी (प्रतिनिधी : माधव वाघमारे)
मा. आयुक्त, क्रीडा व युवक सेवा संचालनालय, महाराष्ट्र राज्य, पुणे यांच्या मान्यतेने जिल्हा क्रीडा परिषद, जिल्हा क्रीडा अधिकारी कार्यालय नांदेड, महाराष्ट्र नेटबॉल असोसिएशन व नांदेड जिल्हा नेटबॉल असोसिएशन यांच्या संयुक्त विद्यमाने सन 2025-26 या वर्षातील राष्ट्रीयस्तर शालेय नेटबॉल स्पर्धा दि. 27 जानेवारी ते 01 फेब्रुवारी 2026 या कालावधीत श्री गुरुग्रंथ साहिब भवन मैदान, गुरुद्वारा परिसर, नांदेड येथे उत्साहात संपन्न झाली.
या स्पर्धेत 14 वर्षे मुले, 14 वर्षे मुली व 17 वर्षे मुली अशा तिन्ही वयोगटात महाराष्ट्र राज्याच्या संघाने सुवर्णपदकाची हॅट्ट्रिक साधत देशपातळीवर आपले वर्चस्व सिद्ध केले.
🕯️ अजित दादांना भावपूर्ण श्रद्धांजली
समारोप व बक्षीस वितरण कार्यक्रमात मा. कै. अजीत पवार, उपमुख्यमंत्री, महाराष्ट्र राज्य यांच्या दु:खद निधनाबद्दल शोक व्यक्त करत महाराष्ट्र संघाने जिंकलेली सर्व पदके त्यांना समर्पित करण्यात आली व भावपूर्ण श्रद्धांजली अर्पण करण्यात आली.
🎤 मान्यवरांची उपस्थिती
बक्षीस वितरण समारंभास मोंटीसिंग जहागीरदार प्रमुख उपस्थित होते. प्रमुख अतिथी म्हणून मा. जयकुमार टेंभरे (जिल्हा क्रीडा अधिकारी, नांदेड तथा निरीक्षक – एस.जी.एफ.आय.), सतिश इंगळे (अध्यक्ष, महाराष्ट्र नेटबॉल संघटना), विजय काकडे (तालुका क्रीडा अधिकारी), प्रवीण कुपटीकर (सचिव, नांदेड जिल्हा नेटबॉल असोसिएशन), श्रीमती प्रिती (क्षेत्र अधिकारी, एस.जी.एफ.आय.) तसेच पत्रकार बंधू उपस्थित होते.
🏆 अंतिम निकाल
- 14 वर्षे मुले : 🥇 महाराष्ट्र | 🥈 मध्यप्रदेश | 🥉 विदयाभारती
- 14 वर्षे मुली : 🥇 महाराष्ट्र | 🥈 कर्नाटक | 🥉 हरियाणा
- 17 वर्षे मुली : 🥇 महाराष्ट्र | 🥈 राजस्थान | 🥉 गुजरात
🏃♀️🏃♂️ संघ व मार्गदर्शन
महाराष्ट्र संघाची तयारी मा. महादेव कसगावडे (उपसंचालक, क्रीडा व युवक सेवा, लातूर विभाग) व मा. जयकुमार टेंभरे यांच्या मार्गदर्शनाखाली झाली.
- 14 वर्षे मुले व मुली : क्रीडा मार्गदर्शक – समीर सिखीलकर, प्रवीण कुपटीकर | संघ व्यवस्थापक – संजय चव्हाण, रुकसाना मुलानी
- 17 वर्षे मुली : क्रीडा मार्गदर्शक – निखील पोटदुखे | संघ व्यवस्थापक – महेशकुमार काळदाते
👥 महाराष्ट्र संघातील खेळाडू
14 वर्षे मुले : कार्तिक वाघ, निखिल राजपूत, यश पावडे, राज वाघ, साहिल मुलानी, साई गजभारे, अनमोल जाधव, विरोचन शिंदे, अनिरुद्ध लंगोटे, आयुष येरणे, धनुष झावरे
14 वर्षे मुली : भावना गावडे, सृष्टी गायकवाड, वेदिका तनपुरे, मोहिनी पडोळे, नंदिनी जगदेवे, अनुष्का गायकवाड, गीता कांबळे, ऋतुजा वाघ, समृद्धी पवार, दुर्वा दापले, रोशनी बनसोडे, रक्षिता बकवाड
17 वर्षे मुली : अक्षता कोकणे, विशालाक्षी राठी, नेत्रा कांसरा, अनुष्का चामलाटे, पूर्वश्री वाघ, सई इजाते, कविता नाईक, कुशी हलमारे, अश्विनी तांबारे, जिज्ञासा चौहान, जान्हवी आघाव, ईशा पाटील
⚖️ पंच व आयोजन सहकार्य
पंचप्रमुख म्हणून सतिश इंगळे यांनी काम पाहिले. तसेच लक्ष्मण दातीर, आकाश सरदार, विलास पराते, स्नेहदीप कोकाटे, हर्षवर्धन मगरे, शुभम मांजी, अभिषेक मुकाती, हैदारअली सय्यद, सचिन दांडगे, निलेश चौधरी, रोमदेव बाळपांडे, नरेश कळंबे, स्तुती पाटोळे, साक्षी पाटील, सुमेध गायकवाड, गणराज हेप्पट, अभिजीत देशमुख, ऋतुराज यादव, यश गायकवाड, प्रथमेश देरंगे आदींनी पंच म्हणून काम पाहिले.
ही स्पर्धा यशस्वी करण्यासाठी जिल्हा क्रीडा अधिकारी जयकुमार टेंभरे यांच्या मार्गदर्शनाखाली क्रीडा अधिकारी, कर्मचारी, नेटबॉल असोसिएशनचे पदाधिकारी, स्वयंसेवक व खेळाडूंनी मोलाचे सहकार्य केले, असे टेंभरे यांनी कळविले आहे.
